कोल्हापूर : येथील शिवाजी विद्यापीठात आज महात्मा बसवेश्वर यांच्या जयंतीनिमित्त त्यांच्या स्मृतींना अभिवादन करण्यात आले.
शिवाजी विद्यापीठाचे कुलगुरू डॉ. देवानंद शिंदे, प्र-कुलगुरू डॉ. डी. टी. शिर्के यांच्या हस्ते मुख्य प्रशासकीय इमारतीमध्ये महात्मा बसवेश्वर यांच्या प्रतिमेस पुष्पहार अर्पण करण्यात आला. या वेळी प्रभारी कुलसचिव डॉ. व्ही. एन. शिंदे, वित्त व लेखाधिकारी व्ही. टी. पाटील, विद्यार्थी विकास मंडळाचे संचालक डॉ. आर. व्ही. गुरव, समाजशास्त्र अधिविभाग प्रमुख डॉ. जगन कराडे यांच्यासह अधिकारी-कर्मचारी उपस्थित होते.